အနိုင်ကျင့်တဲ့သူတစ်ယောက်ဟာ တစ်ယောက်ယောက်ကို ချောင်ပိတ်ပြီးထိုးချင်ထိုးမယ်။ လက်လိမ်ချိုးချင်ချိုးမယ်၊ ကစားကွင်းထဲမှာ တွန်းလှဲမယ် ဒါမှမဟုတ် ဆံပင်ကိုဆွဲမယ်။
အနိုင်ကျင့်တဲ့သူတွေဟာ ငယ်သူတွေကိုစမယ်၊ နာမည်ပြောင်တွေခေါ်မယ်။ ဒီလိုနဲ့ အဲဒီသူတွေရဲ့ စိတ်ခံစားမှုကို ထိခိုက်နာကျင်အောင် လုပ်တတ်ကြပါတယ်။ သူတို့ဟာ နားရွက်ကြီးကြီးနဲ့ ကောင်လေးကို`နားကားကြီး´၊ ပိန်တာကို `ငါးဖောင်ရိုး´၊ ဝတာကို ‘၀က်ပုပ်’လို့ ခေါ်တတ် ကြပါတယ်။ ဒီလို စပုံစနည်းတွေဟာ ကိုယ်ထိလက်ရောက်ရိုက်နှက်သလိုမျိုးပဲ နာကျင်စေပါတယ်။
တစ်ခါတလေကျတော့ အနိုင်ကျင့်တဲ့သူတစ်ယောက်ဟာ မင်းအကြောင်း မကြားတကြား ပြောမယ်၊ မင်းကိုလှောင်ပြောင်ရယ်မောမယ်၊ မင်းကိုဘယ်သူကမှ သဘောမကျကြတဲ့ပုံမျိုး ခံစားရအောင်လုပ်မယ်။ အဲဒါကြောင့် မင်းဟာတခြားသူတွေနဲ့ အဖွဲ့မကျတော့ဘဲ ဖယ်ကြဉ်ခံရသလို ထိခိုက်ခံစားရစေတယ်။